Hirsutizm nədir? Səbəbləri, əlamətləri və müalicəsi

Hirsutizm nədir?
Hirsutizm — qadınlarda androgenə həssas nahiyələrdə (üz, çənə, sinə arası, qarın, göbək ətrafı) kişi tipli tüklərin əmələ gəlməsi ilə xarakterizə olunan vəziyyətdir. Təxminən 5% qadında müşahidə olunur.

Hirsutizm və hipertrixoz fərqi
Hipertrixoz — androgenə həssas olmayan hissələrdə nazik tüklərin artmasıdır. Hirsutizmdə isə tüklər qalın, tünd və uzanmış olur.

Səbəbləri:

• Kişi hormonlarının (androgenlərin) artıq ifrazı

• Tük follikullarının androgenə qarşı həssaslığının artması

• Yumurtalıq və böyrəküstü vəz xəstəlikləri

• Genetik meyillilik

• Bəzi dərmanların qəbulu (anabolik steroidlər, kortikosteroidlər, minoksidil və s.)

Əlaqəli xəstəliklər:

• Polikistoz yumurtalıq sindromu

• Hipotireoz

• Kuşinq sindromu

• Prolaktinoma

• Anadangəlmə böyrəküstü vəz pozğunluğu

Müalicə:
Hirsutizmin səbəbi həkim-endokrinoloq tərəfindən müəyyən edilməlidir.
Diaqnostika zamanı qanda testosteron, DHEA-SO4, LQ səviyyəsi yoxlanılır və USM / KT müayinəsi aparılır.
Əgər səbəb şiş və ya hormon istehsalı ilə bağlıdırsa, müalicə cərrahi və ya hormonal blokada ilə həyata keçirilir.

Əlavə tövsiyələr:

• Artıq çəki olduqda karbohidratlı qidalardan pəhriz

• Epilyasiya yalnız kosmetik məqsədlə, idiopatik hallarda mümkündür

• Müalicə effekti 3–6 aydan sonra müşahidə olunur

Müəllif: Fəridə Nəsirli, həkim-endokrinoloq, SƏHHƏT klinikası