Həkimlərimiz

Baş həkim. Kardiorevmatoloq

Qəbul vaxtı: I–VI günlər, 09:00–17:00 Həqiqət Zülfüqarova 1975-ci ildə Azərbaycan Tibb Universitetini pediatriya ixtisası üzrə bitirib. Daha sonra 1976-cı ildə internatura, 1984-cü ildə isə K.Fərəcova adına Elmi-Tədqiqat Pediatriya İnstitutunda ordinatura təhsili alıb. 1987–1996-cı illər ərzində Əziz Əliyev adına Azərbaycan Dövlət Həkimləri Təkmilləşdirmə İnstitutunda kardiologiya, funksional diaqnostika, fizioterapiya və kliniki kardiologiya üzrə bir sıra ixtisasartırma kurslarını keçib. Uzunillik təcrübəyə malik olan Həqiqət xanım ürək-damar və revmatoloji xəstəliklərin diaqnostika və müalicəsində yüksək peşəkarlığı ilə tanınır. O, pasiyentlərinə fərdi yanaşma və kompleks tibbi yardım göstərməyi prioritet sayır.

Radiologiya şöbəsinin müdiri

İlham Kərimov Almaniyada təhsil almış peşəkar radioloqdur. O, radiologiya və nüvə təbabəti sahəsində ixtisaslaşmış, müasir diaqnostika metodlarını tətbiq edən təcrübəli həkimdir. Onun məqsədi – pasiyentlərə ən dəqiq, təhlükəsiz və keyfiyyətli diaqnostik xidmət təqdim etməkdir.

Kardioloq

Qəbul vaxtı: I–VI günlər, 09:00–16:00 Flora Yusufova – uzun illərin təcrübəsinə malik kardioloqdur. O, ürək-damar xəstəliklərinin profilaktikası, diaqnostikası və müalicəsində müasir yanaşmaları tətbiq edir. Peşəkar fəaliyyətində hər bir pasiyentin sağlamlığını və rifahını ön planda tutur. Dəqiqlik, diqqət və pasiyentə fərdi yanaşma onun əsas prinsipləridir.

Radioloq

Etibar Nəsibov — uzunillik təcrübəyə malik radioloqdur. O, rentgen və digər şüa diaqnostikası üsulları vasitəsilə xəstəliklərin vaxtında aşkarlanmasına və düzgün diaqnozun qoyulmasına kömək edir.

Otorinolarinqoloq

Xalidə Nadirova — otorinolarinqologiya sahəsində 30 ildən çox təcrübəyə malik yüksək ixtisaslı həkimdir. O, qulaq, burun və boğaz xəstəliklərinin diaqnostikası və müalicəsində geniş təcrübəyə sahibdir, həmçinin təxirəsalınmaz LOR hallarında müasir yanaşmalar tətbiq edir.

Qastroenteroloq

Elmira Osmanova — 40 ildən artıq təcrübəyə malik yüksək ixtisaslı qastroenteroloqdur. O, həzm sistemi xəstəliklərinin diaqnostikası və müalicəsində ixtisaslaşmışdır. Müxtəlif klinikalarda çalışaraq, həm terapevt, həm də funksional diaqnostika üzrə geniş təcrübə qazanmışdır.

Cərrah

İntiqam Abbasov — ümumi cərrahiyyə sahəsində uzunillik təcrübəyə malik həkimdir. Müxtəlif əməliyyat və terapevtik prosedurların icrasında ixtisaslaşmış, xəstələrin bərpası və reabilitasiyası üzrə yüksək peşəkarlıq nümayiş etdirir.

Pediatr

İlham Qasımov — uşaq sağlamlığının qorunması və xəstəliklərin profilaktikası sahəsində təcrübəli pediatrdır. O, uşaqlarda ümumi inkişaf, immunitet və sağlam həyat tərzinin formalaşdırılmasına xüsusi diqqət yetirir.

Oftalmoloq

Aida Əliyeva — 30 ildən artıq təcrübəyə malik oftalmoloqdur. O, göz xəstəliklərinin diaqnostika və müalicəsində ixtisaslaşır, həmçinin profilaktik müayinələr və görmə problemlərinin erkən aşkarlanması ilə məşğuldur.

Endokrinoloq

Fəridə Nəsirli — endokrinologiya sahəsində geniş beynəlxalq təcrübəyə malik həkimdir. O, şəkərli diabet, qalxanabənzər vəzi, maddələr mübadiləsi pozğunluqları və hormonal xəstəliklərin müalicəsində ixtisaslaşır.