Dr. Volfqanq Titiusun iştirakı ilə SƏHHƏT klinikasında beynəlxalq cərrahiyyə master-klassları

6–20 avqust tarixlərində SƏHHƏT klinikasında Almaniyadan dəvət olunmuş visseral və torakal cərrahiyyə üzrə ekspert, tibb elmləri doktoru Dr. Volfqanq Titius tərəfindən beynəlxalq tibbi standartlara uyğun master-klasslar keçiriləcək.

Təlimlər cərrahi xəstələrlə işin təşkili və iş yerində tibbi nəzarət mövzularını əhatə edəcək. Tədbirin məqsədi həkimlərin praktik bacarıqlarının artırılması və müasir tibbi yanaşmaların tətbiqidir.

Dr. Titius ümumi, visseral və torakal cərrahiyyə üzrə geniş təcrübəyə malikdir. O, həmçinin səhiyyənin beynəlxalq menecmenti, rentgen diaqnostika və transfuziologiya sahələrində mütəxəssisdir.
Həkim İcbari Tibbi Sığorta Birliyinin (KV) təcili yardım xidmətində çalışmış, İngiltərənin Milli Səhiyyə Xidmətində cərrah-konsultant kimi fəaliyyət göstərmişdir. Bundesver və NATO tibbi kurslarının sertifikatına malikdir.

Bu master-klasslar yerli mütəxəssislər üçün beynəlxalq təcrübənin öyrənilməsi və tətbiqi baxımından mühüm imkan yaradacaq.